Beth yw’r ​cefndir?​​

Mae Always Aim High Events yn fusnes lleol, a sefydlwyd yn 2010, sy’n trefnu a hyrwyddo digwyddiadau chwaraeon awyr agored yng Ngwynedd. Mae’r digwyddiadau yn denu cymuned o athletwyr amatur a phroffesiynol o bell ac agos ac yn cyfrannu’n sylweddol i’r diwydiant twristiaeth lleol.

Beth oedd y cymorth?​

Roedd y cwmni yn awyddus i gael canolfan digwyddiadau newydd fyddai’n cynnwys swyddfeydd, storfa a gofod cymunedol ar safle yn Llanberis.  Gyda buddsoddiad o’r gronfa adeiladwyd pencadlys newydd i’r cwmni ar Stâd Ddiwydiannol Glyn Rhonwy, Llanberis.  Cynlluniwyd yr adeilad gan Russel Hughes Cyf, a dechreuodd y gwaith adeiladu ym Medi 2024 gyda’r cwmni yn symud i’w pencadlys newydd ym mis Mawrth 2025.

Pa wahaniaeth mae hyn wedi ei wneud?

Bydd y ganolfan newydd – Camu i’r Copa –  yn ganolbwynt i weithgareddau’r cwmni, ac yn cynnig ystafell a gofod yn y storfa i’r gymuned ddefnyddio.

Roedd y cwmni yn awyddus i gael adeilad cynaliadwy yn defnyddio deunyddiau lleol, ac wedi’i bweru gan ynni solar. Mae’r cynllun yn manteisio i’r eithaf ar gefndir trawiadol Eryri, gyda ffenestri ar un ochr gyfan o’r strwythur. Mae 90% o gyllideb y prosiect wedi ei wario gyda chyflenwyr lleol, gan arddangos talent ac adnoddau cyfoethog yr ardal.  

Wrth i’r cwmni edrych ymlaen at y tymor sydd i ddod, mae’r swyddfa newydd yn dyst i gydweithredu lleol a phŵer buddsoddi yn y gymuned. Trwy’r datblygiad bydd y cwmni yn gallu parhau i ddatblygu’r economi twristiaeth a chwaraeon awyr agored yn yr ardal.